سون گونلرده بیر قارا اینسان، 46 یاشیندا جورج فلوید، آمئریکا پولیس آقرئسیاسینا نتیجه سینده حیاتی نی ایتیرمیشدیر. بو خبر سورعتله مئدییادا یاییلمیش و ایرقیچیلیغا قارشی اینسانلار حرکته گئچمیشلر. اعتراضلار آمئریکادا سورعت له باشقا شهرلره یایلمیش و چوخ گئنیش اعتراض لا میدانا چیخمیش و 75 بؤیوک شهره ده گئنیش یوروش لر و اعتراض لار مئیدانا چیخمیشدیر.

ویدئونو گؤرمک اوچون اوستونه تیکلایین

بو راپورلارا گؤره بعضی شهرلرده آلیش وئریش مرکزلری یاندیریلیب و یا اینسانلار طرفیندن یاغمالانمیشدیرلار. آمئریکا دئولتی وضعیتی کنترل آلتینا آلماق اوچون اولوسال موحافظ لردن یاردیم آلمیشدیر.
بعضی ایرقچیلیغا قارشی

موجادیله لیدیرلری دئولت بینالاراینا هجوم گتیرمه نی و پولیس لره قارشی شیددت ایشلتمه نی وورقولایرلار و بو ورقولامالار شیددتین داها آرتماسینا سبب اولموشدور. ازیلمیش اینسانلار آمئریکادا جانا گلمیشدیرلر و اعتراض لارین حتتا شیددته سؤیکه نه رک گؤسترمک و دیله گتیرمک ایستیرلر.
ویدئونو گؤرمک اوچون تیکلایین

ایرقیچیلیغا قارشی موجادیله، یالنیز آمئریکادا قالماییب، آوروپادا دا اونا دستک وئریلمیشدیر. تاسوفله ایرقیچیلیق، فرقلی فورمالاردا یالنیز آمئریکا دئیل دونیانین فرقلی اؤلکه لرینده و او جمله دن ایران دا چوخ یایقین بیر کولتور اولاراق خالق لارا و اؤلکه یه زیان وئرمک ده دیر.

ایرقیچیلیق لا، حقیقتن بیر میللی موجادیله قاپسامیندا دئیل، بلکه ائورنسل بیر موجادیله قاپسامیندا اونلا قارشیلاشماق و موجادیله ائتمک لازیم دیر. ایران دا گئچن یوز ایلده غیرفارس خالق لارا قارشی ایرقیچیلق و شیدت چوخ چوخ تانینمیش بیر کولتوره چئویریلمیشدیر. ائله بونا گؤره ده بوگون ایران دا یاشایان خلق لار ایران دا ایرقیچیلیغا قارشی موجادیله سین آمئریکادا گئدن آنتی راسیست موجادیله یه باغلامالی و یئر کوره سینی ایرقیچیلیغا قارشی بیر موباریزه مئیدانینا چئویرمه لیدر.

ایرقیچیلیغا قارشی هر اؤلکه ده سسیمیزی قالدیرمالییق و بو آنتی دئموکراتیک و ضد اینسانی دوشونجه یه  قارشی ائورنسل بیر موجادیله ده بیر سس اولمالییق و بو سس لری بیر بیرینه اولاشدیرماقلا  ایرقیچیلیغا قارشی دونیادا بیر و بیرگه اولمالییق.

ایرقیچیلیغا قارشی دونیادا سس لری بیر بیرینه قاتمالییق و  بیرگه گوجله، خالق لارین و اینسانلیق گوجو ایله ایرقیچیلیغا سون قویمالییق.

20200602