عدالت یوروشو و تورکیه نین یئنی دئموکراسی آنلایشی

  یونس شاملی

تورکیه دئموکراسی سی اینانیلماز بیر میتینگ اولوشدوردو 

بوگون کمال قیلیچداراوغلو، جمهوریت خالق پارتیاسینین لیدئری، آنکارادان باشلایان ۲۵ گونلوک «عدالت» یوروش سونون دا  ایستانبول یئتیشدی و اورادا ۲میلیونو آشان سایی دا عدالت سئور وطن داشلارلا محتشم بیر میتینگ کئچیردی. کمال قیلیچداراوغلو بو یوروشو دئموکراسی اوچون بؤیوک بیر قازانج اولاراق  آدلاندیردی.

ویدئونو گؤرمک اوچون شکیله تیخلایین 

 تورکیه ده ۱۵ تئموز ۲۰۱۶ داربه گیریشیمینه قارشی اؤتن ایلین آگوست آیندا ایستانبول دا بیر گئنیش دمکراسی میتینگی گرچکلشدیریلمیشدی. بو میتینگه داربه یه قارشی اولان و توپلومون هر کسیمیندن و مجلیس ده اولان اوچ پارتیا قاتیلمیشدیرلار. او میتینگ ده البته کی اسکیک لیگی وار ایدی. او جمله دن تورکیه بؤیوک میللی مجلیسیندن تامام پارتیالار دعوت اولونمامیشدی. هر کس یالنیز داربه یه قارشی اولماق اوچون او میتینگ ده ایشتراک ائتمیشدی. آمما آک پارتیا داربه گیریشیمی دن سونرا هانکی سیاستی یوروته جه ینه داییر بیر سؤز دانیشیلمامیشدی. آک پاراتی داربه تشببوسوندان اؤنجه آنتی دئموکراتیک بیر یؤنتم ده حرکت ائتدییی آیدین ایدی. ۱۵ تئموز داربه گیریشیمیندن سونرا آک پارتی یئنی و داها غیردئموکراتیک یوللارا و یؤنتم لره سؤیکن مه سی هر گون آرتیردی. بو یؤنتم لرین ان پیسی «اولان اوستو حال»ین اعلان اولماسی ایدی.

تورکیه ده ۱۵ تئموز داربه گیریشیمیندن سونرا او اؤلکه حقوقی بیر دئولت یاپیمین گرچکلشدیرمک یئرینه پولیسی بیر دئولتین اولوشماسی یؤنده حرکت ائتمیشدیر. تورکیه «اولان اوستو حال» شرایطین ده آنا یاسا دئیشیمینه یوروتولدو و البته کی آنا یاسا رئفراندومون دا آک پارتی خالق طرفیندن چوخ جیدی بیر رئآکسیانین فورمالاشماسی ایله قارشی لاشدی. ایکی میلیون یاریم سه س قانون دیشی  رئفراندومون سونوجون آک پارتی و یا رجب طایب اردوغانین ایسته ینه اولوشدوردو. رئفراندوم سایی باخیمیندان بیر میلیون یاریم اوستون سس ایله آک پارتی نین قازانماسینا سبب اولسادا، ایکی ملیون یاریم سه س حقوق دیشی آک پارتیانین حئسابینا یازیلدی و تورکیه یئنی تاریخ ده پوپولیزمه بیر طرفدن و ساختاکارلیغا بیر باشقا طرف دن شاهدیلیک ائتدی.

  

حقوقسوزلوق یالنیز بورادا دایانمادی. ژورنالیست لرین زیندانی اولان آک پ نین تورکیه سی یاواش یاواش مجلیس نماینده لرین ده زیندانی اولدو. موخالیف پارتیالاردان خالقلارین دئمومکراتیک پارتیاسینین لیدری و نماینده لری و سون آیدا جمهوریت خالق پارتیاسینین مجلیس نماینده سی توتوخلانماق لا تورکیه حکومتی نین سیماسی تورکیه ده و بین الخالق آلان دا داها دا لکه لندی و مجلیس نماینده لرینین زیندانینا چئوریلدی.

 

قیلیچداراوغلونون ۴۳۵ کیلومئتریلیک، آنکارا ایله ایستانبول آراسی، ائعتیراض یوروشونون نه ده نی اولان مجلیس نماینده سینین حبس اولونماسی، تورکیه دئموکراسی سینا بیر یئنی قاپی آچدی. ۲۵ گون سوره ن «عدالت» یوروشو هم تورکیه ده و هم دونیا چاپیندا دئموکراسی طرفدارلارینین ایلگیسن چکدی و دیققت لری تورکیه یه جلب ائتدی.

بوگون «عدالت» یوروشونون سون گونو اولاراق ایستانبول دا اینانیلماز بیر میتیگ گرچک لشدی و میلیونلار تورکیه وطن داشی تورکیه ده غیردئمکراتیک گلیشیمه یه یوخ دئمک فورصتی بولدو. «عدالت» یوروشو تورکیه دئموکراسی سینا بیر آچیلیش یولو اولدو و بو واسیطه ایله «عدالت میتینگی» تورکیه ده باریشجیل بیر گله نه یه اؤز دامغاسین ووردو.

 

دونه نه قدر تورکیه نین باش باخانی بین علی ایلدیریم «عدالت» یوروشونو اون مین کیشی نین یوروشو کیمی آدلاندیریردی. عجبا بوگون  آک پارتی و اونون باشیندا دوران طایب اردوغان تورکیه نین جمهور باشقانی بوگونکی میلیون لار وطن داشین «عدالت میتینگی» نی نئجه آلقیلی یاجاقلار دئیه هر کس دوشونور. آک پارتی نین آنلایشینا باخمییاراق بوگونکو میتنگ تورکیه نین سیاسی گلیشمه سینده جیددی بیر رول اویناماسین گؤزدن قاچیرماق اولماز.

قلیچ دار اوغلو «عدالت» یوروشوایله و بوگونکو میتینگی «بیر باشلانقیج دی» دئدی و البته بو حرکت تورکیه نین یئنی دئموکراسی آنلایشین دا حقیقن بیر باشلانقیج حئساب اولونمالی دیر. 

۲۰۱۷/۰۷/۰۹




Namn:
Kom ihåg mig?

E-postadress: (publiceras ej)

URL/Bloggadress:

Kommentar:

RSS 2.0