ایستانبول سئچیم لری حتتا ۳۱ مارت دا بئله بیر یئرل سئچیمین قیلیغیندان چیخیب تورکیه نین ان یوکسک سیاسی سویه سینده و خصوصن جمهور باشقانی طایب اردوغان طرفیندن سرت و شیددتلی بیر دیلله مئیدانا چیخمیشدیر.  باخمییاراق کی بو سئچیم ده بین علی یلدیرم آکپ دن اکرم ایمام اوغلو جمهوریت خلق پارتیاسیندان رقابیت ائتمه لی ایدیلر، امما تورکیه نین جمهور باشقانی طایب اردوغان سالدیرقان دیلله سئچیم رئکلام لارینا قاتیلماسی ایله هم ۳۱ مارت دا و هم ۲۳ هازیران دا شیدت و دوشماجا بیر دیلله ایمام اوغلونا آنتی دئموکراتیک و چوخ چیرکین و مافیا فورماسیندا سالدیرماق تشبوسو ایله اورتامی نورمال دورومدان اوزاقلاشدیرمیشدیر.

 ایستانبولون یئرل سئچیمینین باشقا ایلگینج یؤنو اکرم ایمام اوغلونون تورکیه سویه سینده بیر گوجلو لیدیر اولاراق فورمالاشماسی ایدی. اونون سئچیم سوره جینده صمیمی و قوجاقلایجی دیل و داورانیشلاری  و سئچیم آشاماسیندا صبیرلی سیاستی خالق ایچینده ایمام اوغلوندان تورکییه نین گله جک جمهورباشقانی سئچیم لرینده رجب طایب اردوغانین قارشیسیندا گوجلو و اومود وئریجی بیر رقیب اولماسینی اونایلامیشدیر و تورکیه نین آشیری دینچی، آتوریتر، قابا و سالدیرقان حکومتیندن قورتولماق اوچون بیر دئموکراتیک آلترناتیو کیمی اؤز موهورونو باسمیشدیر. اکرم ایمام اوغلو اگرسه  بو گون ایستانبول دا «هر شئی چوخ گٰؤزل اولاجاق دیر» دئیه اسلوقان آتدی ایسه، بیر نئچه ایلدن سوندا گله جک جمهور باشقانلیغی سئچیمیندن بو اسلوقانی ایستانبول اوچون دئیل، تورکییه ده «هر شئی چوخ گٰٰؤزل اولاجاق دیر» اسلوقانینین آلتماسینا تورکییه خالقلارین ذهنیتینده زمین یارالتمیشدیر.