!تورکیه رئفراندوم دا پوپولیزمه یئنیل دی
بوگون تورکیه ده آنایاسا دئیشکلییی رئفراندومو کئچیریلدی. چوخ آز آرا ایله بلی (ائوئت) دئیه نلر یوخ (هاییر) دئیه نلردن اؤنه کئچیب رئفراندومو قازاندیلار. آمما مخالیف پارتیالاریندان گلن خبره لره گؤره قازانانلارلا یئنیلن لرین آراسیندا بیر میلیون ایکی یوز مین (۱۲۰۰۰۰۰) سس (رای) فرقی اولاراق٬ بیر میلیون بئش یوز مین (۱۵۰۰۰۰۰) سس بلگه لری مؤهورلنمه میش بلگه لر ایدیلر.
موخالیفت لیدری کمال قلیچ داراوغلو سئچیم قانونلاریندان ایکی بندی اوخویاراق مؤهورسوز سچیم بلگه لری کئچرلی سایلیمازلیغی ورغولادی. آمما تورکیه نین یوکسک سئچیم قورولو هر نه سبب دن سه٬ قانونلارا هایقیری اولاراق٬ مؤهورسوز سئچیم بلگه لرین کئچرلی حئساب ائتمیش و تورکیه ده کی رئفراندومو گرچک سونوجلارین کؤلگه یه سورکله میشدیر.
تورکیه ده کی رئفراندومون آخساق طرفلریندن بیری ده اونون اولان اوستو شراط ده گرچکلشمه سی ایدی. اولان اوستو دوروم دا (شرایط فوق العاده ده) البته کی توپلوما هر طرف دن باخیرسان آزاد بیر شرایط ده اولماماسی اوچون و مئدیانین سیخینی دا اولدوغو بیر آشامادا٬ رئفراندوم اوچون هئچ ده اویقون بیر شرایط دئیردی و اولابیلمزدی.
آمما رئفراندوم سونوج اعتباری ایله٬ آکپ نین حکومتی نین کؤلگه سینده گرچکلشمیش اولسادا٬ بیر باشقا حقیقتی قاباریقجا مئیدانا چیخاردیر. آکپ اؤزلویونده سون سئچیم لرده ۵۰ فایزه یاخین سسی وار ایدی و بو رئفراندوم دا اونون یانیندا دوران میللتچی حرکت پارتیاسی یوزده ۱۶ سسی صاحیب ایدی. توپلوم بو ایکی پارتیا (آکپ و محپ) سون سئچیم ده ۶۵ فایزه یاخین توپلومون سسین قازانمیشدیرلار. آمما بو گونکو رئفراندوم دا بو ایکی پارتی بیر میلیون بئش یوزمین (۱۵۰۰۰۰۰) کئچرسیز سس ایله ٪۵۱ توپلومون سسین قازانمیشدیرلار. بو او دئمک دیر کی بو ایکی پارتیا بو رئفراندومدا ٪۱۵ فایز سس لرین ایتیرمیشدیرلر. آمما قارشیلاریندا مخالیف پارتیالاری همان اوران دا (٪۱۵) داها چوخ سس قازانمیشدیرلار. باشقا دئیش له بو رئفراندوم آکپ یه گئنیش بیر ایتیریم (غایب) حئساب اولور و گله جک سئچیم لرده اونلارین آتوریتیر سیاستلرینین قارشیسیندا بیر دوغرو انگه له چئوریلیر.
کلیپی گؤرمک اوچون شکلین اوستونه تیخلایینبونودا قئید ائتمه لییم کی تورکیه ده بوگونکو رئفراندومون سونوجو تورکیه نی ایچ و دیش پولیتکاسیندا اولومسوز شرایطه سوروکله یه جکدیر. بو آنایاسا دئیشیک لییی تورکیه دئولتینی دئموکراتیک یاپیدان اوزاقلادیب اونو بیر آتوریتیر دئولته چئویره جکدیر. عین حالد بو قانون گرچکلشدیکجه تورکیه دئولتلر آراسی هرگون داها چوخ اعتبارسیزلاشیب و تورکیه نین گله جه ینی قارانلیق لارا سورکلیه جکدیر.
تورکیه بو دفعه آکپ و اونون باشیندا اولان رجب طایب اردوغانین پوپولیستی سیاست لرینه قوربان گئتدی و تورکیه تاسفله اوزون ایللر بوگونکو فلاکت گتیرن رئفراندومون سونوجلارینا قاتلانماق مجبوریتینده قویاجاقدیر...
۲۰۱۷۰۵۱۶
