اینسان هارادا آجاماسیزلیغا اوغرادی؟

 یونس شاملی 
تاریخ بویو اینسان لا حئیوانی قیاس ائدن ده،‌ اونون دوشونجه سی،‌ یارادیجیلیغی، سون بولمایا هوس لر و آرزو لاری اونو حئیواندان آیریردی. آمما کیمسه اینسان نین آجیماسیز اوزون حئیوان لا قیاس ائتمه میشدیر. اونون کینه و نیفرته قاپسانماسی، عینادا سؤیکه مه سی و آجیماسیزجا اؤلدورمه هوسی هئچ بیر ییرتیجی حئیواندا بولونمایان بیر اؤزللیکدیر. 
 
بورادا اینسانین عینادی، نیفرتی، جینایت هوسی و اوستون بیر موقع ده اولماسی اوچون مین لرجه حتتا میلیونلارجا اینسانی چوخ ایرینج فورمادا اؤلدورمه ویا اؤلدوتدورمه بولانان اینسان حتتا ییرتیجی بیر حئیوان دان بئله اسکیک سویه یه دوشور…
 
اینسانین جینایته سؤیکنمه سی و اؤلدورمه سوچا بولاشماسی هئچ بیر حئیواندا، حتتا یيرتیجی سیندا بئله گؤرونمه میش بیر وارلیق دیر! او وارلیق اؤلومله تانینمیش، تانیتیلمیش بیر وارلیق دیر. وارلیغین قارشیسیندا دوران و اینسانی هئچ سایان بیر وارلیق دیر، قارانلیق لارین، ایره نج لیک لرین، چیرکین لیک لرین وارلیغی دیر بو وارلیق… اینسان اوغلونون حیاتی نی تهلوکه یه سالان بیر وارلیق دیر… اینسانین اینسانلیغینین قارشیسیندا دوران بیر قابا وارلیق دیر… جینایت ائتدیینده قادین،‌ اوشاق، یاشلی، گنج تانیمییان بیر قابالیغین وارلیغی دیر… شیددیتن،  سوچلولوغون و قاتیللیین وارلیغی دیر.
 
بو وارلیق تاریخین قارانلیق صحیفه لرینین ده باش قالدیران… مدنیت ین تام قارشیسیندا دوران گونه شی گیزلتمه یه چالیشان بیر وارلیق دیر بو قابا وارلیق.
 
بو اینسانین ته رس اوزودور… اینسانین پیس اوزودور… سئوگییه، محبته، عدالته و اؤزگورلویه قارشی دیر… بو  اؤزللیک اینسانین ایچینده یاتان بیر ظالیم دیر… بو ایرنج اؤزللیک بوگون سیستمه چئوریلمیش و سیستم لرده بیر اؤلوم ماشینینا چئوریلمیش بیر وارلیق دیر... دایانمادان جنیایت، دایانمادان سوچ و دایانمادان اؤلومو باغیران بیر وارلیق دی، بیر سیستم دیر… 
باخین کی خوجالی دا نه لر اولموش و اوشاق، قادین و یاشلیلار بو قدرالیغین و آجاماسیزلیغین قوربالیغی اولموشدورلار….؟ اینسان، تورک اینسان، خوجالی دا آجاماسیزجا فاجیعه یه اوغرادی. 
2018-02-25



Namn:
Kom ihåg mig?

E-postadress: (publiceras ej)

URL/Bloggadress:

Kommentar:

RSS 2.0