آجیناجاق قاچقین آخین لاری هارا یا وارماقدادیر؟

یونس شاملی  
 بوگون دونیادا 60 میلیون قاچقین وار
 
 آجلیق، ساواش و باشقا  فلاکت لر تاریخ بویو اینسان لاری اؤز ائل- اوباسیندان قاچیریب و اونلاری باشقا بیر گوونلی یئره- یوردا یئرلشدیرمیشدیر. بو آجیناجاق سورج (پروسس) یالنیز اسگی گئچمیشلرده یوخ، بلکه اونون قویروغو حتتا بوگونه قدر اوزانمیشدیر. ائله بیر اوزانماق کی بوگون بیرلشمیش میللتلرین قاچقین لار یوکسک کومیسارلیغی اعلان ائدیر کی قاچقین لارین بوگونکو سایی ایکینجی دونیا ساواشیندان آرتیقدیر.
بیرلشمیش میللتلرین قاچقینلار کومیسارلیغینین راپورونا گؤره بوگون 60 میلیون اینسان آدین چکدیمیز سبب لره گؤره اؤز ائویندن کؤچمک مجبوریتینده قالمیشدیرلار. بو 60 میلیونودان 40 میلیون اینسان اؤز اؤلکه لرینده و 20 میلیون باشقا اؤلکه لره کؤچوب – قاچماغا زورلانمیشدیرلار. 2011جی ایلدن بو گونه قدر قاچقین لارین سایی 40 فاییز آرتمیشدیر. بو گئنیش سایی دا قاچقین لار عمومیتله گلیشمه ده اولان اؤلکه لره سیغینمیشدیرلار. 2014 جی ایلده تورکیه (1 میلیون 600 مین اینسان)، پاکستان، لبنان و ایران ان چوخ قاچقین قبول ائدن اؤلکه لر اولموشدورلار. بوگون عمومیتله اوچ اؤلکه دن (سوریه، افغانیستان و سومالیا) قاچقین آخین لار دونیانین هر بیر بوجاغینا کؤچمک و سیغینماقدادیرلار. قاچقین لاری قبول ائدن اؤلکه لره گلدیکده، آزربایجانی گؤزدن قاچیرمامالییق. قاراباغ دا ارمنیستان هجومونا معروض قالان و بیر میلیون دان آرتیق، آزربایجان دا و دونیانین هر بیر بوجاغیندا سیغیناجاق آختاریب، قاچقین دوشموشدولر.

 

اینسان لارین قاچقین دوشمه سورجینین سون بولماسینین اوفوقو گؤرونمور. سون زامانلار دا بیر  قاچقین اوشاغین تورکیه ساحیلرینده  چوخ کدرلی و آجیناجاق حالدا جانسیز تاپیلماسی مئدیادا قاچقین پروبلئمین آکتوئللشدیرمیشدیر و بو اوزدن دونیانین گلیشمیش اؤلکه لرینده بو قاچقین لارا سیغناجاق وئرمه یه اؤزه ن (قایغی) گؤسته ریلمیشدیر. قاچقینلیق پروبلئمی بیتمک تانیمیر. بیر طرفدن ساواش، آجلیق و باشقا فلاکت لر سونوج بولومور و بیر باشقا طرفدن قولوبال ایسسیله شمک یاخین گله جکده بو پروبلئمین داها گئنیشمه سینه سبب اولماسی سویله نیر.

 

قاچقین آخینی دایانماغا رغمن آرتماقدادیر.... بو آخین دونیا سویه سینده، یاخین گله جکده اه ن اؤنملی سورونلارین بیرینه چئوریلمه سی آیدینجا گوزه چارپیر. قاچقینلیق فلاکتی نین سونوجو چوخ آغیردیر و تاسفله بونون بدلین اینسانلار اؤده مکده دیرلر.

 

20150919

 




Namn:
Kom ihåg mig?

E-postadress: (publiceras ej)

URL/Bloggadress:

Kommentar:

RSS 2.0