رحیم شهریاری یه قارشی تخریباتا بیر رئآکسیا

  یونس شاملی

بو قونویا دیققت ائتملییک کی هر بیر اینسان آزربایجان اوچون بیر کیچیک قدم  آتیرسا او قدمی نه اونودمالییق و نه ده شوکرانلاریمیزی او قدم آتانا سون وئرمه لییک. رحیم بئ شهریاری ائله بو خبرده قئید اولدوغونا گؤره تورک/آزربایجان موسیقی سینین یایلماسیندا چوخ بؤیوک امه یی وار و اولاجاقدیردا. بونا گؤره رحیم بئی شهریاری آ و یا بو ساحه ده هر تورک/آزربایجانلی فعالینا قارشی تحقیر ائدیجی دیل و تخریبات کاراکترلی داورانیش اولورسا، او  دوارانیش یالنیز و یالنیز ایفراتچیلقدان باشقا بیر آدی یوخدور. ایفراتچیلیق بوگون، ائله بوگون گونئی آزربایجان حرکاتی نین ایچیندن بوشالتماغا و چوروتمه یه آپاریر. گونئی آزربایجان حرکاتیندا ایفراتچیلیق ایران دئولتینین گیزلی مامورلارینا یاخشی بیر یووا (ائو) رولو اویناییر. ایفراچی داورانیش لاری اولانلار آراسیندا کوشقولو (مشکوک) داورانیش لاردا چوخدولار. ایفراطچی لارین گورونتوسو قاتی آزربایجانچی و یا تورکچون اولور، آمما بو کسیمین داورانیشی گونئی ده گئدن تورک/آزربایجان میللی دئمکراتیک حرکاتینا اینانیلماز ضررلر وئریر.

ایفراطچی داورانیشین اؤزللیکلرینی گؤزدن گئچیره بیلریک. بو اؤزللیکله ری هارا گؤرورسن، هاردا دویورسان او ایفراچیلیق و یا ائکسترمیزمین اؤزلیکلری دیر.  گونئی آزربایجانین حرکاتی نی دینامیک و دئمکراتیک قوشولارلا مدیریت ائتمک، عقلانیت، علم و توپلومسال قرارلار ایله ایره لیله مه لیدیر. ایفراتچی داورانیشین اؤزلیک لری بئله دیر؛

1. داورانیشی حیسساتا دایاندیرماق ایفراچیلارین اؤزلیک لریندن سایلیر و عمومیتله بئله اینسانلارین فیکیرلری  و شعارلار گرچک لرله یا هئچ علاقه سی یوخدور و یا چوخ چوخ آز علاقه سی واردیر.

2. عصبیته دایانان داوارنیش ایفراچیلارین ان اؤنملی اؤزلیک لریندن دیرلر. بو داورانیش عمومیتله باشقا اینسانلاری قورخودور و اونلار حرکت دن قاچیرماقدا جیددی رولو اویناییر.

3. شیددته دایانان دیل و ادبیات ایشله دیلمه سی ده ایفراچیلیغین بیر جیددی اؤزللی ییدی. شیددتلی داوارنیش دمکراتیک آتمسفری اؤلدوره ن و هر بیر قونونو آغ-قارا ائله مکله حرکاتین ایچینده چوخ جیددی گرگینلیگه یول وئریر.

4. یئکه داشی گؤتورمک اونو آتماماق قصدین گؤسته ریر. ایفراطچیلاردا چوخ چوخ بؤیوک سؤزلر، قابا قابا شعارلار، و عمومیتله سیایب عقله سیغمییان سؤزلر دئیرلر.

5. دوشمن جبهه سینده اولانلاری یوخ،  بلکه آزربایجان فعالی آدی ایله، آمما تورک/آزربایجان فعالارینا قارشی، هر سویه ده، تخریبات آپاریلیرسا اونون ایفراطچیلارا منسوب اولماسینی گؤزدن قاچیرمامالییق. ایفراتچی لار عمومیتله آزربایجانین گرچک دوشمن لرینه قارشی بیر ایش گؤرمزلر، آمما آزربایجان فعالاری آراسیندا آزربایجان آ دوشمن آختارارلار.

6. ایفراتچیلار اینسانلاریمیزین فعالیت لرینه لازیمی ده یه ر (ارزش) وئرمزلر و عمومیتله نئگاتیو کاراکترلی اولورلورلار  و آزربایجانین فعالار آراسیندا رئآکسیایا شیوه سینه دایاناراق (کور رئآکسیانین آدین اینتقام دا قویماق اولور) گرگینلیک یاراتماقدا اؤن سیرالاردا یئرلشیرلر.

سون سؤز بودور کی، "گؤنئی نیوز" آزربایجان آدلی، آمما فارس دیلینده آپاریلان بیر سیته دیر و ان آزی رحیم بئی شهریاری یه تخریبات کاراکترلی بیر راپور نشر ائتمشدیر. بو راپوردا یالنیز رحیم شهریاری آلچاقلادیلیر و تهمت و ایفترا ایله داورانیلیر.    "گونئی نیوز" سیته سی، رحیم بئی شهریاری نین آلا ائتمک و اهانته معروض قالماق مقصد ایله نشر اولماسی اوچون "گونئی نیوز"ون بو حرکتینی ده  ایفراطچیلیق آلانینا یئرلشیر.

رحیم بئی شهریاری آزربایجانین تانینمیش خواننده سی، "گونئی نیوز" نشر دئدن قیسسا خبری گؤرورسه نه حیس ائدیب و نه فیکیر ائدیر؟ بو خبر اونا قارشی قاباریجیق فورمادا  تخریبات آپاریر. سوآل بودور کی حقیقتن  رحیم شهریاری تورک/آزربایجان  مسئله سینین یایلماسیندا چوخ پای اولوب یا گونئی نیوزون؟ گرچک بودور کی گونئی نیوز دونن و بوگونون اینترنئت سیته سیدیر. آمما رحیم بئی شهریاری حرکاتین باشلانقیچیندان اوخویوب و حرکته و اللخصوص میللتیمیزه روح وئرین بیرسی دیر. اونون، منیم دیلم اؤلن دئیل باشقا دیله دؤنن دئیل" ماهنی سی او اینسانین تاریخنه یئتر و آرتاردا بئله...

"گونئی نیوز" سیته سینین مسئولارینا دئمک ایسته ره م کی  گونئی آزربایجان ین تانینمیش شخص لرین بو تورلو خبرلری یایماقلا خالقیمیزین اؤره گین سویوتمایین. خواننده لریمیزی، صنعت چی لریمیزی (هنرمندلریمیزی) بو داورانیشلارلا حرکاتیمیزدان قوخودوب، قاچیرتمایین لوطفن. هر خبری آلدیغینیزدا اونا دیققتله، درایت له آچیق باخیش لا داورانین و باخین کی بو خبر و یا راپورون یایلماسی ایله نه قدر گونئی آزربایجان دا گئدن حرکاتین منافعین تامین ائدیر و یا نه قدر حرکاتین گئدیشاتیندا انگل تؤره دیر؟!

2015/08/03

منبع:

گونئی نیوز - رحیم شهریاری /دلقکی که گرداننده دارد گفت” موسیقی آذری بیشترین سهم را در جامعه ایرانی دارد

http://www.guneynews1.com/fa/%D8%B1%D8%AD%DB%8C%D9%85-%D8%B4%D9%87%D8%B1%DB%8C%D8%A7%D8%B1%DB%8C-%D8%AF%D9%84%D9%82%DA%A9%DB%8C-%DA%A9%D9%87-%DA%AF%D8%B1%D8%AF%D8%A7%D9%86%D9%86%D8%AF%D9%87-%D8%AF%D8%A7%D8%B1%D8%AF-%DA%AF%D9%81

آشاغیدا گلن لینک ده؛
رحیم شهریاری نین آدی چکیلن کنسرتین دن بعضی پارچالاری دینله یین و قضاوت ائدین.

http://plus.ir/video/1402/%D8%B1%D8%AD%DB%8C%D9%85-%D8%B4%D9%87%D8%B1%DB%8C%D8%A7%D8%B1%DB%8C-%C2%AB%D8%A2%DB%8C-%D8%A8%D8%B1%DB%8C-%D8%A8%D8%A7%D8%AE%C2%BB-%D8%B1%D8%A7-%D8%AE%D9%88%D8%A7%D9%86%D8%AF-%D8%AA%D8%A7-%D8%A2%D8%B0%D8%B1%DB%8C-%D9%87%D8%A7-%D8%B3%D8%A7%D9%84%D9%86-%D8%B1%D8%A7-%D8%B1%D9%88%DB%8C-%D8%B3%D8%B1%D8%B4%D8%A7%D9%86-%D8%A8%DA%AF%D8%B0%D8%A7%D8%B1%D9%86%D8%AF/%DA%AF%D8%B2%D8%A7%D8%B1%D8%B4-%D8%A7%D8%AE%D8%AA%D8%B5%D8%A7%D8%B5%DB%8C-%D8%A7%D8%B2-%D8%B4%D8%A8-%D9%BE%D8%B1-%D8%AD%D8%B1%D8%A7%D8%B1%D8%AA-%DA%A9%D9%86%D8%B3%D8%B1%D8%AA-%D8%AE%D9%88%D8%A7%D9%86%D9%86%D8%AF%D9%87-%D8%A7%DB%8C-%DA%A9%D9%87-%D9%85%DB%8C-%DA%AF%D9%88%DB%8C%D8%AF-%D8%A7%D9%88%D9%84-%D8%A8%D8%A7%D8%B1%D8%B3%D9%84%D9%88%D9%86%D8%A7%D8%8C-%D8%A8%D8%B9%D8%AF-%D8%AA%D8%B1%D8%A7%D8%AE%D8%AA%D9%88%D8%B1!/